Blog Details

آج کل رشتے ہونے اتنے مشکل کیوں ہو گئے ہیں؟

بنتِ رانا اقبال | Global Muslim Matrimony by Salwa Rana
📧 ای میل: globalmatrimonial@gmail.com

📞 :+923364274762 

یہ ایک نہایت اہم اور حساس موضوع ہے — کیونکہ رشتے محض دو افراد کا تعلق نہیں بلکہ دو خاندانوں کا ملاپ ہوتے ہیں۔
مگر آج کے دور میں یہی رشتے طے پانے میں مشکل کا شکار ہیں۔
سوال یہ ہے: آخر کیوں؟
آئیے اس کے چند بنیادی عوامل کو سنجیدگی سے سمجھنے کی کوشش کرتے ہیں👇

 ہماری حد سے زیادہ ڈیمانڈز

ہم اکثر ایک *“مکمل پیکج”* چاہتے ہیں 
لڑکا ہو تو اچھی جاب، اپنا گھر، گاڑی، چھوٹا فیملی سسٹم، اعلیٰ مزاج، اور ہر چیز بہترین ہو۔
اسی طرح لڑکی حسین، پڑھی لکھی، ڈاکٹر یا پروفیشنل، گول روٹیاں بنانے والی، مگر نوکری نہ کرنے والی ہو۔
لیکن حقیقت یہ ہے کہ کوئی بھی انسان کامل نہیں ہوتا۔ رشتہ سمجھوتے، احترام اور اعتماد سے خوبصورت بنتا ہے، پرفیکشن سے نہیں۔

آپشنز کا بڑھ جانا

آج کے ڈیجیٹل دور میں رشتوں کے پلیٹ فارمز اور سوشل میڈیا نے آپشنز بڑھا دیے ہیں۔
ہر کوئی یہ سوچتا ہے کہ “یہ تو پہلا رشتہ ہے، آگے اس سے بہتر مل جائے گا۔”
حالانکہ اکثر جو رشتہ آپ کو شروع میں دکھایا جاتا ہے وہی آپ کے معیار کے قریب ہوتا ہے۔
نعمت کو پہچاننا بھی ایک بصیرت ہے۔

 اپنے بچوں میں کمی تسلیم نہ کرنا

اکثر والدین سمجھتے ہیں کہ *ہمارا بیٹا یا بیٹی سب سے بہترین ہے* — اور ہونا بھی چاہیے — لیکن ہر خاندان کا اپنا معیار اور ترجیح ہوتی ہے۔
جو آپ کو پسند آئے، ضروری نہیں کہ وہ دوسرے کو بھی پسند آئے۔
جب ہم حقیقت پسندی کو نظر انداز کرتے ہیں تو بہترین مواقع ہاتھ سے نکل جاتے ہیں۔

میچ میکر کو جادوگر سمجھنا

لوگ اکثر یہ سمجھتے ہیں کہ میچ میکر کے پاس کوئی جادو کی چھڑی ہے جو ایک کال میں رشتہ طے کر دے گا۔
جبکہ حقیقت یہ ہے کہ میچ میکر صرف رشتے *دکھا سکتا ہے*،
رشتے *بنانا* اللہ کے اختیار میں ہے۔
ہم محنت کرتے ہیں، لیکن نصیب رب لکھتا ہے۔

 اختتامی کلمات

خدارا! کامل جہان کی تلاش میں اپنے بیٹوں اور بیٹیوں کی عمریں ضائع نہ کریں۔
ایک اچھا رشتہ کامل ہونے سے نہیں بلکہ اچھے فیصلے، صبر اور سمجھداری سے بنتا ہے۔
اپنے معیار کو حقیقت کے قریب لائیں، اور رشتوں کو آسان بنائیں۔
اللہ سب کے نصیب اچھے کرے۔ 🤍
**آمین**

Thank you for reading – I hope this insight brings you one step closer to a stronger, happier relationship.
– Global Muslim Matrimonial, Marriage Consultant | Helping couples build lasting love |
📧 Globalmatrimonial@gmail.com
Salwa Rana | Islamabad, PK

📞 +923364274762